प्रवासी नेपाली मञ्च

दोश्रो दिनको छलफलको टिपोट गर्न निम्न अनुसार बनाइएको बहस नोट कमिटी द्वारा तयार पारिएको प्रतिवेदन संलंग गरिएको छ.

• ई. विजयराज भट्टराई, अमेरिका
• डा. सरोज कंडेल, जापान
• डा. चिरन्जीवी खड्का, चेज रिपब्लिक
• कमल ओझा, अमेरिका
• डा. मुकुन्द बास्तोला, वेलायत
• विनोद भट्टराई

प्रतिनिधिहरुद्वारा प्रस्तुत गरिएका सुझाव

• (१) कार्यसमितिको कार्यकाल प्रवासमा बस्नेहरुको हकमा ४ बर्ष निकै लामो देखिन्छ। बढीमा ३ वर्ष बनाउन सुझाव।
• (२) अन्तराष्ट्रिय कमिटि भएको हुँदा सचिवको साटो महासचिव बनाइयोस।
• (३) अन्तराष्ट्रिय कमिटिका हिसावले सदस्य तथा पदाधिकारीको संख्या थोरै देखिन्छ। पूरा कमिटि ३१ सदस्यीय र सोही अनुपातमा पदाधिकारी राखियोस, बढाउन सुझाव।
• (४) तुलनात्मक रुपमा संगठनमा युवाहरुको संख्यामा कमि देखिन्छ। युवाहरुलाई समेट्ने कुनैकुरा नलेखिएको हुँदा युवा सम्बन्धी विधानमै बिशेष व्यवस्था गरियोस।
• (५) अन्य समावेशिताका कुराहरु पनि खुलाएर प्रष्ट पारियोस , समेटियोस।
• (६) धारा २५.२ मा "बढी" शब्द हटाउने।
• (७) धारा २५ मा अन्तराष्ट्रिय कमिटीमा १ र राष्ट्रिय कमिटीमा ३ ब्यबस्था रहेकोमा अन्तराष्ट्रिय कमिटीमा समेत ३ को व्यवस्था गरियोस।
• (८) बर्षको कम्तिमा एक पटक फिजिकल मिटिङ्ग गरिनुपर्ने कुरा थपियोस।
• (९) पार्टी सदयता रहेका धेरै साथीहरु संगठनको सदस्य नरहेको हुँदा, यो खाडललाई समन्वय गरियोस र हरेक प्रवासमा रहेको पार्थी सदाय ONF को सदस्य रहनु पर्ने व्यवस्था गरियोस।

राजनैतिक प्रतिवेदनमा प्रस्तुत सुझावहरु

• (१) राष्ट्रिय निर्वाचनको वारेमा प्रतिवेदन मौन छ, हाम्रो सहभागिता र सहयोगका बारेमा भए गरेका प्रगति समेटियोस।
• (२) Skill Transfer सम्बन्धी केही कार्यहरु भएकाछन ती पनि समेटियोस।
• (३) प्रतिवेदनमा पार्टीका धरोहर कमरेडहरुको नाम छुटेको छ , थपियोस।
• (४) महिलाहरुको समस्याहरुलाई समेट्न नसकेको।
• (५) संगठन स्थापना र विस्तारको इतिहास प्रतिवेदनमा राखिएको भए पनि Chronological Order नमिलेको हुँदा मिलाउनु पर्ने र केही विस्तारको इतिहास पूर्णता आवश्यक।
• (६) NRN का सम्बन्धमा थप प्रष्ट दृष्टिकोण राख्नु पर्ने।
• (७) सदस्यता कसरी बढाउन सकिन्छ भन्नेकुराको प्रष्ट रोडम्याप हुनुपर्ने।
• (८) बिभागहरुको कार्य र रोडम्याप सम्बन्धी कुराहरु थपिनु पर्ने।
• (९) एक पटकको नेपाली सधैको नेपाली को मागलाई दह्रो रुपमा प्रस्तुत गर्नुपर्ने।
• (१०) सहधर्मी संस्थाहरु जनसम्पर्क मंच र जन सांस्कृतिक मंच संगको हाम्रो कार्यगत सम्बन्धको बारेमा मौन छ। समेटिनु पर्ने।
• (११) भावी राजनीतिक दृष्टिकोणको बाटो प्रष्ट उल्लेख छैन, थपियोस।
• (१२) नेपालमा प्रवासमा नागरिकता लिइसकेका नेपालीहरुको राजनैतिक अधिकार बाहेकका सामाजिक तथा आर्थिक अधिकार अन्य नेपाली सरह पाउने कुरा जोडदार रुपमा उठाइयोस।
• (१३) जहाँ नेपाली त्यहाँ एमाले भन्ने नारा माथि छलफल चलाइयोस।
• (१४) सवै खालका प्रतिवेदनहरु कम्तिमा सम्मेलनको ३० दिन पूर्व नै सम्बन्धित देशहरुमा डिजिटल कपि पठाएर, राष्ट्रिय र महादेशीय कमिटिको रिभ्यु र सुझाव पछि मात्र सम्मेलनमा प्रस्तुत गरिनुपर्ने।
• (१५) संस्थाको आफ्नो जानकारी मुलक प्लेटफर्म (वेबसाइट) निर्माण गरियोस।
• (१६) आफू अनुकुल नेता बोलाएर राष्ट्रिय तथा राज्य कमिटिको अधिवेशन गर्ने परम्परालाई नियन्त्रण गरियोस।

संगठनात्मक प्रतिवेदनमा प्रस्तुत सुझावहरु:

प्रस्तावित सुझावहरू

सदस्यहरूको सूची

घोषणाहरु

• १. मुलुकको वर्तमान परिस्थितिमा जनताको पक्षमा सही निर्णय र नेतृत्व गर्दै आएको पार्टी नेकपा (एमाले) को पक्षमा अत्यधिक बहुमतले विजय गराउन सूर्य चिन्हमा मतदान गर्नको लागि सबै मतदाताहरु सामू आह्वान गर्दछ।
• २. नेपालमा रहनुभएका सबै प्रतिनिधि तथा सदस्यहरुलाई चुनावी अभियानमा सम्बन्धित भूगोलमा क्रियाशील रहन निर्देशन गर्दछ।
• ३. नेपाली नागरिकताको निरन्तरता र प्रवासमा रहेका नेपालीहरुले प्रवासबाटै आफ्नो मताधिकार प्रयोग गर्न पाउने व्यवस्थाको लागि यस अधिवेशन नेपाल सरकारसँग माग गर्दछ।
• ४. सुरक्षित आप्रवासन र श्रमिकका हकहितका लागि सम्बन्धित राष्ट्रका कूटनीतिक नियोगसँग प्रवासी नेपाली मञ्चले समन्वय गरी काम गर्ने प्रतिबद्धता जाहेर गर्दछ।
• ५. विप्रेषणलाई नियमन गरी विदेशी मुद्रालाई वैध माध्यमबाट मुलुकमा भित्र्याई मुलुकको वैदेशिक मुद्रा संचितिमा सहयोग पु¥याउन सबैलाई आह्वान गर्दछ।
• ६. ज्ञान र सीपको स्थानान्तरण (Knowledge and Skill Transfer) लाई प्राथमिकतामा राखी मातृभूमिको समृद्धिको निमित्त उपयोग गर्न प्रतिबद्धता जाहेर गर्दछ।
• ७. प्रवासमा आर्जन गरेको पूँजीलाई मातृभूमिमा उपयोग गर्न र ‘समृद्ध नेपाल र सुखी नेपाली’को राष्ट्रिय आकांक्षा पूरा गर्न लगानी गर्न आह्वान गर्दछ।
• ८. प्रवासी नेपाल मञ्च लगानी कोष (ONF Investment Fund) सञ्चालन गर्नका लागि ने.रु. १ अर्ब संकलन गर्नेछ।
• ९. प्रवासी नेपाली मञ्च नेपालमा दर्ता गरी सामाजिक र कल्याणकारी गतिविधिहरु शुरु गर्ने प्रतिबद्धता व्यक्त गर्दछ।
• १०. प्रवासी नेपालीहरुको गतिविधिलाई थप प्रभावकारी बनाउन नेपालमा प्रवासी नेपाली भवन निर्माण गर्न ने.रु. २० करोड संकलन गर्ने प्रतिबद्धता जाहेर गर्दछ।
• ११. विश्व शान्तिको लागि युक्रेन र रुसको युद्ध यथाशीघ्र अन्त्यको लागि संयुक्त राष्ट्रसंघसमक्ष यस अधिवेशन आह्वान गर्दछ।
• १२. अधिवेशन सम्पन्न गर्न प्रत्यक्ष वा अप्रत्यक्ष रुपमा सहयोग गर्नुहुने सबैमा यो अधिवेशन हार्दिक आभार व्यक्त गर्दछ।